13 oC 
Güneşli
ئیمارەتی ئیسلامی ئەفغانستان ڕاگەیاند، فڕۆکە بێ فڕۆکەوانی ئەمریکا هەموو کاتێک ئاسمانی ئەفغانستان پێشێل دەکەن و زیان بە سەروەری وڵات دەگەیێنن.
زەبیحولڵا موجاهید وتەبێژی ئیمارەتی ئیسلامی ئەفغانستان ڕاگەیاند، فڕۆکەکانی بێ فڕۆکەوانی ئەمریکا بەردەوامن لە پێشێلکردنی ئاسمانی وڵات و لە وڵاتانی دراوسێوە دێنە ناو ئەفغانستان.
موجاهید ئاماژەی بەوە کرد کە دوای ئەوەی ئیمارەتی ئیسلامی حکومەتی وڵات بەدەست گرتووە زۆر جار ئەم پێشێلکارییە کراوە.
موجاهید ئاماژەی بەوە کرد کە ئەم درۆنانە لە وڵاتانی دراوسێوە دێنە ناو وڵات بەڵام ناوی وڵاتەکانی نەهێنا. حکومەتی ئیمارەتی ئیسلامی پێشتر ڕاگەیاندبوو کە پاکستان ڕۆڵی لە گەشتنی درۆنەکانی ئەمریکا بۆ ناو ئەفغانستان هەیە.
ئەم ڕاگەیەندراوە لە کاتێکدا بڵاو دەکرێتەوە کە گرژی نێوان پاکستان و ئەفغانستان لە بەرزبووندایە. ئیمارەتی ئیسلامی زۆر جار باس لەوە دەکات کە پاکستان سنوور پێشێل دەکات و پاکستان ئیدعا دەکات کە ئەو گروپانەی چەکدار کە لە ئەفغانستان نیشتەجێن هێرش دەکەنە سەر خاکەکانی.
موجاهید باسی لەوە کرد کە بە شێوەی فەرمی ئەمریکایان ئاگادار کردووە کە واز لە پێشێلکردنی ئاسمانی وڵات بهێنن و ئەم پێشێلکاریانە بە شێوەی ئاشکرا زیان بە سەروەری ئەفغانستان دەگەیێن بە تایبەت لە قۆناغێکدا کە گرژی لەگەڵ پاکستان هەیە پرۆسەکە هەستیارتر بووە.(İLKHA)
ئاگاداری: مافی له به رگرتنه وه ی بابه ته كانی ئیلكھه، پارێزراون ھه واڵی نوسراو، وێنه، ڤیدیۆ، به ھه مو جۆرێكیان، بۆ به ده ست ھێنان پێویسته نوسراو له نێوانمان ھه بێت یان به ڕه زامه ندی ئێمه بێت، پێچه وانه كه ی به ر پرسیاره تی یاسای تیایه
حکومەتی ئەفریقای باشوور ڕایگەیاند کە بەبڕیارانە بەدواداچوون بۆ ئەو دۆسیەیە دەکات کە لە دادگای نێودەوڵەتی لە دژی رژێمی سەهیۆنی سەبارەت بە تاوانەکانی جینۆساید لە غەززە تۆماری کردووە.
وەزارەتی بەرگری سوریا ڕایگەیاند، خاڵی هەڵدانی ٢ موشەکەکە کە ئاراستەی ناوچەی مەزە ٨٦ی دیمەشق کراوە، دەستنیشان کراوە، بەڵام تا ئێستا ئەنجامدەری هێرشەکە دەستنیشان نەکراوە.
نووسینگەی ڕاگەیاندنی دیلەکانی فەلەستین ئەمڕۆ هەینی بە بڵاوکردنەوەی ڕاپۆرتێکی هەژێنەر، سەبارەت بە بارودۆخی سەخت و سەرما کوشندەکەی ناو زیندانەکانی رژێمی سەهیۆنی، بەتایبەتی دوای ٧ی تشرینی یەکەم، هۆشداریی دا.
